Dinamitri Jazz Folklore er eit eineståande jazzensemble frå Italia som har halde det gåande i over ti år. Dei er kjende for å vera eit heilt fantastisk, sprudlande live-band, som med middelhavsk temperament overskrider alle sjangergrenser. Funkgrooves à la James Brown møter Mingus, Zappa, afrikansk tradisjonsmusikk og New Orleans i Middelhavet – om det gir noko meining?
Jan Granlie (salt-peanuts.eu) har heilt rett når han skriv følgjande i ein omtale av bandet si nye liveplate «Exwide» (2017): «Hvis noe band fra sørlige breddegrader skal bli invitert til fest(ival) her oppe i kalde nord, så bør det bli disse. For en bedre fest enn det disse åtte musikerne kjører i gang, skal man lete lenge etter.»
Dette vert sveitt, fett og lett ein av dei råaste konsertane på Vossa Jazz!
Dimitri Grechi Espinoza – saksofon
Beppe Scardino – saksofon
Emanuele Parrini – fiolin
Paolo “Pee Wee” Durante – orgel, elektronikk
Gabrio Baldacci – elgitar
Andrea Melani – trommer
Simone Padovani – perkusjon
Piero Gesuè – vokal
Konserten inngår i billetten huskort laurdag. Du kan ikkje kjøpa billett til berre denne konserten.
