Norvald Dahl – «Flying High»
– Solo konsert med plateslepp
Vent deg ei suggererande musikalsk oppleving, med blanding av jazz, folkemusikk, pop, og moderne klassisk når pianisten Norvald Dahl «går solo”. Med alt frå melodiøse improvisasjonar til tøffe klangar og folketonar, fyller Norvald Dahl rommet med god stemning.
Denne kvelden sit Dahl aleine ved Steinway-flygelet, og vi får mellom anna høyre låtar frå den ferske plata «Flying High». Plata er spelt inn i Fosnavåg konserthus med moderne romklangteknologi, og under konserten vil du få høyre eigenkomponert materiale frå plata, og gjerne kjende melodiar i eigne arrangement.
Dette seier den amerikanske jazzmusikaren Jonathan Kreisberg om Flying High:
«Norvald Dahl has recorded a set of beautiful and highly personal piano improvisations. At times, the crystalline and patient statements sound like they could be an homage to the unique meeting of mountains and sea that takes place in his native region of Møre og Romsdal, Norway. Fans of creative solo piano and audiophile recordings will surely add this to their list of favorites».
Norvald har tidlegare studert jazz ved Bjergsted Musikkonservatorium i Stavanger, og han har spelt mange gongar i Stavanger med blant anna Wayne Brasel. Sist Dahl spelte ved Spor 5 var i 2016 då han var på turne i regi av den Musikalske Stamvegen med «Norvald Dahl trio featuring Jon Irabagon».
Dei siste åra har sunnmøringen tatt mastergrad i jazz-improvisasjon ved Norges Musikkhøyskole i Oslo, og før det arbeidde han som pianist og pianopedagog i Bergen i om lag ti år. Han har leia ei rekkje musikalske prosjekt både nasjonalt og internasjonalt, og han er mykje nytta som freelancer.
«Flying High» er den andre plata han har spelt inn som del av masterstudiet på musikkhøgskulen. På den første innspelinga hadde han med seg den amerikanske saksofonisten Jon Irabagon og bassist Mats Eilertsen, og det førte til albumet «Organic Chamber». Denne kammerjazz-plata fekk fine kritikkar i pressa:
“This album is a treasure chest of musical gems, which can be discovered anew with each consecutive listening session.» («The Soundtrack of my life», by Adam Baruch – 2018)
«Tøft og annerledes! (…) Norvald Dahl byr på noe helt eget», omtale av kritikar Tor Hammerø.
Billett:
kr 200,-/150,- Spor5-medlem/ student
CD kr 100,- (one time spesialpris)
Eitt sett på vel ein time.
Denne turneen er støtta av Creo og Norsk Jazzforum
TURNÉ
30.12 Fosnavåg Konserthus
16.01 Molde- Salen
18.01 Bergen- Korskirken
23.01 Stavanger- Spor5
26.01 Oslo- Sagene Kirke
30.01 Opera Nordfjord
