I ei gamal, forlaten russisk-ortodoks kyrkje i Sør-Estland spelte Kira Skov og Maria Faust inn plata «In The Beginning» (2017). Den dansk-estiske duoen var på ein roadtrip i området, då dei vart slått i bakken av den særeigne og utryddingstruga kulturelle arven i området: Lavmælte songar og kvad på randen av forsvinning, og allestadesnærverande tema som tap, overgivnad, undertrykking, håp, tvil og tilgjeve. Skov og Faust fann kyrkja, fylte den med opptaksutstyr, kamera og eit stort tal framifrå musikarar og skapte eit inspirert, intenst og vakkert verk som tek opp i seg estisk folklore, historiske narrativ, ortodokse hymner og vestleg påvirknad og undertrykking.
Det vert heilt spesielt å oppleva det sterke verket til Skov og Faust i den vakre og klangfulle Vangskyrkja under Vossa Jazz 2018.
Kira Skov – vokal, tekstar
Maria Faust – altsaksofon, arrangement
Tobias Wiklund – trompet
Ned Ferm – tenorsaksofon, vokal
Anders Banke – bassklarinett
Nils Bo Davidsen – kontrabass
Sebastian Rochford – trommer, perkusjon
Silja Uhs – kor
Marie Roos – kor
Annely Leinberg – kor
Sakarias Jaan Leppik – kor
Meelos Hainsoo – kor
Joosep Sang – kor
