Når IKI entrar scena er alt fullstendig improvisert, der og då lagar dei ny musikk som ingen har høyrt før, og som ingen heller kjem til å høyra igjen! Kvar konsert er forma av kvar dei er og kva stemning som rår der og då. Det kan bli spennande å sjå kva Voss får fram i dei gudebenåda vokalistane! Dei vann Danish Music Award for beste jazzvokal med debutplata ”IKI” frå 2011 og har spelt på diverse festivalar rundtom i verda etter det.
“Nordisk vokal sensasjon, vokal improvisasjon, ulikt noko du nokonsinne har høyrt før”, skreiv Dagsavisen I den grad du ikkje kan venta deg noko, så kan du likevel sjå fram til ei grensesprengande oppleving med hopp frå moderne jazz til folkemusikk til avantgarde til pop – expect the unexpected!