FriEnsemblet er eit stort, mangefasettert ensemble med særpreg der musikken ligg i spenningsfeltet mellom jazz, elektronikk, norsk og arabisk folkemusikk, i hovudsak komponert av bandleiar Mathilde Grooss Viddal.
Bandmedlemmane har alle solide kunstnariske karrierar som musikarar, og det er enkeltinnsatsane som med sine improvisatoriske og klangfulle uttrykk gir bandet deira heilt unike og særeigne ”sound”. “Frilynt samtidsmusikk med mye friimprovisasjon og tøylesløse innslag der alle bandets deltagere er med i fremre rekke. Resultatet er ekstrem heftig musikk som preges av åpenhet og yr spilleglede”, skreiv Nordlys, som eksempel på ein av mange kritikarar som har hylla både live-framføringane og plateutgjevingane sidan 2006. Så du er herved invitert til moderne storbandmoro og me oppsummerer med å sitera Erling Wicklund i NRK P2: ”12 musikere på tvers av genregrenser – hvor jazz, folkemusikk og elektronikk går opp i en høyere enhet.”
