Vossa Jazz

Dag 2 på Vossa Jazz byr på store opplevingar for både born og vaksne. Mari Kvien Brunvoll, Stein Urheim og Ragnar Hovland presenterer lun og snodig diktmusisering på Badnajazzen, årets Jazzintro har Bodver Tornes Trio og Duplex som finalistar på Voss, Brazz Brothers slår seg saman med folkemusikkgruppa Dalakopa, den finske saksofonisten Juhani Aaltonen vitjar med kvartetten sin, Tingingsverket er ført i pennen av Karl Seglem og utover kvelden kan du oppleva afrikansk musikk i verdsklasse med Amadou & Mariam, melodiøs frijazz med The Thing og Sofia Jernberg har med seg Trondheim Jazzorkester og tolkar Olav Luksengård Mjelva- for å nemna berre eit knippe av alle godsakene du kan få med deg!