Baker Hansen – Chet på norsk

Baker Hansen speler Chet Bakers musikk på norsk, og har gjort det på over 200 konserter i Noreg og Sverige sidan 2010. Med nyskrivne, aktualiserte tekster framførte på gjendiktar og vokalist Sigurd Rotvik Tunestveit si dialekt frå Ål i Hallingdal kjem songane som Chet tolka brått nærare innpå oss. Resultatet er sart, sårt, umiskjenneleg coolt – men òg med eit heilt særeige samspel mellom musikarar som har etablert seg tydeleg på den norske jazzscena.