NB! Dørene opnar kl. 18:00, med konsert frå kl. 19:00.
Østerlide kler folkemelodiane i nye drakter, av florlette, såre, lyse, mørke, sterke og røffe fabrikatar. Skimrande som sol på vatn snor vokal og klokkespel seg rundt dryppande perler av gitar. Lyse og eteriske lydbilete vert avløyst av drivande gitarriff og perkusjon på full guffe. Vi får servert bloddryppande historiar frå mørkaste middelalder, mirakler og gjengangarar, kjærleik og inderleg himmel-lengsel. I sentrum står som før dei uslitelege og tidlause folkemelodiane som er forma og slipt gjennom århundra. Når melodiane og historiane vert forma på nytt i Østerlides lydverd får dei nye sjatteringar av fargar, lys og skugge, men er fortsatt dei same: – Nye og gamle på same tid!
«Liv Ulviks svimlande vakre kveding møter det botnsolide kompet Andreas Haddelands strenger og Ulrik Ibsen Thorsruds perkusjon, og saman lagar dei fascinerande og fengslande musikk» (Folkemusikk)
«Detta är sannerligen en kreativ trio, och deras tolkningar är dramatiska, spännande och minst sagt mångskiftande» – Lira.
«Det er [dette]som gjør Østerlide radikale og nyskapende, og eminent hørverdige.» – Morgenbladet.
«It’s unsettling in the way that your favorite critically acclaimed film is – it’s unsettling, but you love it» – Corpsonore.
Østerlide er:
Liv Ulvik – vokal
Andreas Haddeland – gitarar
Ulrik Ibsen Thorsrud – slagverk
Konserten er støtta av Norsk Kulturråd
Foto: Ingvil Skeie Ljones
Stad: Blaoboxen, Sogndal Kulturhus.
Dato og tid: 19. mars. Dørene opnar kl. 18:00, konsert frå kl. 19:00.
