Nyheter

Kulturkonferanse på Vossa Jazz

Sentrale kulturpolitikarar og -aktørar møtast til debatt på Voss når Vossa Jazz i samarbeid med Norsk jazzforum, Norske Konsertarrangører og Creo inviterer til kulturkonferansen «Klok av skade? – Korleis rusta kulturlivet for framtida?» fredag 8. april.

Det som skulle bli det frie feltet sitt tiår har vorte prega av den eine krisa etter den andre. Me går rett frå langvarig pandemi til krig i Europa, energikrise og stadig aukande klimatrugslar heng over verda. Korleis kan kulturlivet bidra i denne situasjonen, og kva verkemiddel har me å trekkje vekslar på? Vert pengebruk til kultur prioritert framover, og korleis er fordelinga av dei eksisterande midlane?

Norske kulturpolitikarar møter representantar for kulturbransjen til dialog og debatt rundt desse vanskelege spørsmåla under kulturkonferansen «Klok av skade? – Korleis rusta kulturlivet for framtida?» på Vossa Jazz fredag 8. april. I tillegg bidreg Solveig Slettahjell og Frode Grytten med sine skråblikk på det heile, og Tingingsverk-komponist Andreas Ulvo presenterer ein smakebit frå årets Tingingsverk.

Program:
• Marte Bjerke om stoda i musikklivet
• Klok av skade? Samtale med Tone Østerdal(NKA), Gry Bråtømyr (Njf) og Hans Ole Rian (Creo)
• Debatt med Åslaug Sem-Jacobsen (Sp), Torstein Tvedt Solberg (Ap), Tage Pettersen (H) og Silje Heimdal (FrP)
• Kunstnarisk skråblikk frå Solveig Slettahjell, tankesmia KRAFT
• Smakebit frå årets Tingingsverk signert Andreas Ulvo
• Oppsummerande skråblikk frå Frode Grytten
Håkon Haugsbø vil leia oss gjennom dagen.

Sjå fullstendig program og kjøp billettar her.  Medlemmar av Norsk jazzforum får rabatt, kontakt oss for rabattkode.

Fra forsiden

Intervju

Sigrid Aftrets illusjonar av puls

Komponist og saksofonist Sigrid Aftret blir trigga av det ho ikkje forstår. OJKOS-medlemmet er årets Jazzstipendiat, og skal urframføre eit verk med Trondheim Jazzorkester under Moldejazz.

Now's the time

NTT: Kommer det flere musikkbølger nå, går vi fra vettet

Lyse Netter-aktuelle Isak Hedtjärn fra folkjazz til punk, Europa rundt med Maria Schneider og Oslo Jazzensemble, ny norsk rockebølge presenteres på Hærverk i Parken, nytt Trondheims-storband debuterer, Eir Vatn Strøms åtte beste Bislett-minner, Gard Nilssen har ny musikk og en blogghalvdel har endelig fått kick på Jaki Byard.

Meld deg på vårt nyhetsbrev