Nyhet

Vossa Jazz-prisen til Øyvind Hegg-Lunde

Trommeslagar og komponist Øyvind Hegg-Lunde mottok 5. november Vossa Jazz-prisen 2021.  I grunngjevinga heiter det blant anna at Hegg-Lunde er ein svært allsidig musikar med ei imponerande liste over produksjonar og samarbeidsprosjekt.

Fredag kveld 5. november delte fylkesordførar Jon Askeland ut Vossa Jazz-prisen 2021 til Øyvind Hegg-Lunde, i samband med konserten til Voice & Strings & Timpani på USF Verftet i Bergen. Vossa Jazz-prisen er gjeven av Vestland fylkeskommune. Prisen er på 50 000 kr, i tillegg til eit trykk av årets Vossa Jazz-plakat som er laga av festivalkunstnaren, i år gatekunstnaren ITPD. Prisen skal gå til den frilans jazzmusikaren i Vestland som i løpet av festivalåret har gjort seg mest fortent til denne heideren.

I grunngjevinga heiter det:
Vossa Jazz-prisen har gjennom åra vorte gjeven til mange gode musikarar frå fylket, og lista over tidlegare prisvinnarar utgjer ein stor del av dei viktigaste utøvarane i landsdelen.  Årets vinnar har røter i begge dei to fylka som no saman utgjer Vestland fylke. 

 Årets prisvinnar er ein musikar som er svært allsidig og har ei imponerande liste over produksjonar og samarbeidsprosjekt. I tillegg til ei solid heimleg karriere, jobbar hen også i ei rekkje internasjonale konstellasjonar, på tvers av sjangrar, og prisvinnaren har i arbeidet sitt  samarbeida innan dans, poesi, teater og perfomancekunst. I tillegg har vinnaren gjort fleire bestillingsverk for både samtids-, jazz- og folkemusikkfestivalar – inkludert suksessrike verk/framsyningar for born og ungdom. 

 For å nemna nokre i ein vakker og variert bukett artistar som prisvinnaren har spelt med: Arve Henriksen, Ståle Storløkken, Per Jørgensen, Marilyn Mazur, Terje Isungset og Nils Petter Molvær. Frå hans eigne prosjekt kan me nemna Building Instrument, Erlend Apneseth Trio – og kveldens Voice & Strings & Timpani. 

Fra forsiden

Now's the time

NTT: Driftige distraksjoner

Mette Henriette inntar Operaen, vi møter Elina Duni, er på konsert med Needlepoint, og har dagbokessay om syv vidunderlige dager med kulturopplevelser og distraksjoner. Now’s The Time!

Nyheter

Schemes spilte seg videre til Jazzintro-finale

Det var kvartetten Schemes som sikret seg en finaleplass i Jazzintro 2024 da første runde av lanseringsprogrammet ble arrangert på Bergen Jazzforum torsdag kveld. I finalen under Moldejazz i juli skal bandet kjempe om tittelen Årets unge jazzmusikere 2024 samt en lanseringspakke fra Norsk jazzforum med festivalturné og mentorprogram.

Meld deg på vårt nyhetsbrev