Nyhet

Mathias Eick er årets tingingsverk komponist Vossa Jazz 2011

Ein kan stilla seg store forventningar når årets tingingsverk blir ført i pennen av trompetist Mathias Eick.

– Eg er først og fremst utruleg beæra over å få tildelt oppdraget. Det har i mange år vore min yndlingsfestival, både grunna musikken, menneska, staden og skiforholda! Verket har framleis det lyriske fokuset med melodilinjer og individuelle soloar, men lydbildet er eit anna, seier Eick.

Verket han lagar er eit steg inn i den elektroniske verda. Musikken hans har opptil no vore relativt akustisk orientert og med førespurnaden frå Vossa Jazz såg han ein gylden sjanse til å utforska eit nytt univers, seier Dagleg leiar Trude Storheim.

Sidan starten med Jaga Jazzist på slutten av nittitalet, har han spelt med eit allsidig utval artistar som Chick Corea, Motorpsycho, Manu Katché, Trygve Seim, Turboneger, Iro Haarla og i det kritikarroste bandet Motif.  Med sistnemnte vart han tildelt prisen ” Young Nordic Jazz Comets” i 2001 og vann året etter BBC’s Jazz Award for beste jazzalbum saman med Jaga Jazzist. I 2007 vart Eick tildelt den prestisjetunge prisen ”International Jazz Talent” av International Jazz Festivals Organisation i New York. Han vart òg tildelt Bylarm- stipendet i 2009. Debutalbumet «The door» vart nominert til Spellemannsprisen for beste jazzalbum i 2008. Han er i gang med album nummer to i desse dagar, også dette på ECM.

– Det er med glede og spenning eg og bandet ser fram til å framføra verket på Vossa Jazz 2011, fortset Eick. Besetninga i Mathias Eick Quintet med Andreas Ulvo (piano), Torstein Lofthus og Gard Nilssen (trommer), og Audun Erlien (bass) er for anledningen utvida med Morten Quenild og ein stryketrio.

Les mer om Vossa Jazz her.

Fra forsiden

Oslo Jazzfestival - 17. august 2019

Takk for i år, Oslo Jazzfestival!

Eg fattar ikkje korleis det er mogleg å skape musikk som treff så langt inne. Eit av årets største musikalske augeblikk kom på siste dagen av Oslo jazzfestival.

Meld deg på vårt nyhetsbrev