Stord Jazzklubb inviterer til gjenhøyr med Trio de Janeiro og deira fengjande brasilianske, rytmar laurdag 19. oktober.
Orkesterleiaren Tom Lund stifta Trio de Janeiro i januar 1988, med originalbesetning
Anne-Marie Giørtz, vokal/perc., Sveinung Hovensjø, bassgitar og Tom Lund, gitar/arr. Bandet er utvida med saxofonist Tor Yttredal og Stein Inge Brækhus på trommer/perkusjon.
Trio de Janeiro er først og fremst eit glimrande live-band, som med sin særeigne, slentrande eleganse søkjer å formidla eggjande, brasilianske rytmar.
Når Trio de Janeiro entrar scenen, kan publikum gle seg til ein humørfylt konsert framført av særs dyktige musikarar som evnar å formidla latinamerikansk varme på sjølv dei kaldaste norske haustdagar.