«Double Reality Beyond Space and Time»
Scheen Jazzorkester har sidan 2010 produsert og gitt ut 8 album, av dei inneheld 7 originalskrivne bestillingsverk frå fleire av bandet sine eigne medlemmer. No er det duka for ein ny ekstern komponist, ingen ringare enn sjølvaste Ståle Storløkken som har skrive musikken. Storløkken skal og vera med i bandet som musikar og solist.
Storløkken har følgjande tankar om verket:
«Som musiker har ett av mine hovedfokus alltid vært lyd, spesielt elektronisk frembrakt lyd. Fra studietiden av har jeg bygd opp et instrumentarium av synther med egenart og selvbygde elektroniske lydmodulatorer. Etter hvert har jeg også jobbet med lydmanipulering via sampling og bruk av digital signalprosessering. På den andre siden har jeg også vært fasinert av blandingen av elektronisk og akustisk lyd; hvordan elektronisk lyd kan ha en «akustisk» kvalitet og vice versa. Og så har jeg alltid vært opptatt av at man ikke skal låse musikken til en stilart eller et uttrykk, men åpne for impulser fra ulike typer musikk, uttrykk eller genre.»
Det er duka for ein heilaften i Storløkken sitt mangefasetterte univers, kor hans spanande musikalske idéar skal samanflettast med Scheen Jazzorkester!
Scheen Jazzorkester (SJO) blei starta i 2010 som eit profesjonelt jazzorkester med base i Skien. Bandet har sidan klart å etablera seg som ei sterk stemme på den norske og europeiske jazzscenen, og er i dag Sørnorsk Jazzsenter sitt regionale store ensemble. SJO har 8 kritikarroste album bak seg. Det siste albumet «Logical Fallacies» kom ut på Jazzland Records i september sist haust. I tillegg blei produksjonen filma og vist på NRK2. Dei gjennomførde og ein omfattande turné med den amerikanske superstjerna, trompetisten Ambrose Akinmusire og vokalist Live Maria Roggen som gjestemusikarar. SJO består av 12 musikarar med bakgrunn frå både jazz og klassisk musikk. Dette gir bandet eit særeige og mangefasettert uttrykk som spenner frå klassisk kontemporær samtidsmusikk, via orkestrale tilnærmingar til europeisk kammerjazz.
Ståle Storløkken – tangentar/komposisjonar
Jon Øystein Rosland – tenorsaxofon
Guttorm Guttormsen – saxofonar/fløyte
André Kassen – saxofonar
Line Bjørnør Rosland – klarinettar
Finn Arne Dahl Hanssen – trompet
Thomas Johansson – trompet
Magne Rutle – trombone
Mats Äleklint – trombone
Åsgeir Grong – basstrombone
Eyolf Dale – tangentar
Jan Olav Renvåg – bass
Audun Kleive – trommer
