Forfattaren og diktaren Edvard Hoem står får den offisielle opninga av Vossa Jazz 2020. Vidare programslepp kjem i festivalens tradisjonsrike Jolakalender kvar dag i desember.
Den 47. festivalen i rekka vert opna av Edvard Hoem fredag 3. april i Vossasalen på Park i Voss. «Vår tids Bjørnstjerne Bjørnson» har han vorte kalla, og ikkje utan grunn, skriv Vossa Jazz i ei pressemelding. Den samfunnsengasjerte diktaren og forfattaren har eit stort og mangslunge forfattarskap bak seg. Han har gått i djupna på både eksistensielle og politiske emne i ulike skjønnlitterære sjangrar og kunstnarlege uttrykk. Hoem er ein framifrå Shakespeare-gjendiktar, og han har mykje god sakprosa på samvitet, både som essayist, debattant og biograf. I tillegg er han ein markant og stilsikker nynorskrøyst – betre vert det ikkje, skriv festivalen.
Edvard Hoem fekk i går Brageprisens heiderspris.
Følg programsleppa frå Vossa Jazz kvar dag i desember i Jolakalendaren.
