Bassist Toivo Fjose mottok Vossa Jazz-prisen lørdag kveld. – Ein musikar med sterk kunstnerisk vilje og stor fleksibilitet, uttalte fylkesordfører i Vestland, Jo Askeland.
Tradisjonen tro ble Vossa Jazz-prisen utdelt i forkant av Tingingsverk-konserten lørdag kveld. Det var bassist og vossing Toivo Fjose som ble tildelt prisen. Prisoverrekkeslen var det fylkesordfører i Vestland, Jo Askeland, som stod for. Med prisen følger kr. 50 000 og et trykk av årets festivalkunstner Ingunn van Etten.
Lese hele begrunnelsen under bildet.
Festivalsjef Frøydis Århus, Toivo Fjose og fylkesordfører Askeland. Foto: Olav Aga/Vossa Jazz
Begrunnelsen for prisen:
Årets prismottakar er ein musikar som over tid har markert seg som ei tydeleg og ettertrakta røyst i jazz- og musikkmiljøet både på Vestlandet og nasjonalt. Gjennom ein brei portefølje av prosjekt viser årets prisvinnar ei imponerande spennvidd. Frå eigne band der hen syner seg som både komponist og bandleiar, til meir kollektivt orienterte konstellasjonar og sjangeroverskridande samarbeid, framstår hen som ein musikar med sterk kunstnerisk vilje og stor fleksibilitet.
Vinnaren er utdanna ved jazzlinja på Griegakademiet og har både under og etter studietida vore ein aktiv bidragsytar til det lokale musikkmiljøet i byen. Årets prismottakar reiste tidleg i karrieren verda rundt med ei av dei største popstjernene i landet, og er stadig vekk på turné internasjonalt med musikk som har eit ganske kjølig uttrykk. (Til Jon: dette er eit hint om hans samarbeid med Terje Isungset som har gjort stor suksess med å spele på is) Under eige namn har musikaren mellom anna gitt ut to album med eigen kvintett, og har medverka til ei lang rekke utgivingar og prosjekt i ulike sjangrar. Snart er hen plateaktuell med ein Vossa Jazz-aktuell kvartett, og har i tillegg ei ny utgjeving med Vestnorsk Jazzensemble på veg.
Vinnaren har dei siste åra utvida det kunstnarlege virket sitt til teatermusikk, og samarbeidd med anerkjende institusjonar som Den Nationale Scene, Teater Vestland, Teatret Vårt og Det Vestnorske Teateret. Hen har òg jobba mykje i det frie scenefeltet og spelt tallause framsyningar for barn over heile landet. Nyleg leverte hen òg bestillingsverk og konsertførestilling for barn under Bajazzfestivalen.
Vinnaren har røtene sine her på Voss, og på årets Vossa Jazz såg du han på scena med The Red Barn i går – og i morgon er det klart for urpremiere på den nye trioen hans, Captcha, i Osasalen. Men i kveld får du sjå han her på scena i
Vossasalen. Ta godt imot vinnaren av Vossa Jazz-prisen 2026: Toivo Fjose!
