TRØEN/ARNESEN KVARTETT
Kombinasjonen gamle ringrevar og pur ungt talent er uslåeleg. Elisabeth Lid Trøen har livnært seg som freelancer sidan 2015, og spelt med dei mest etablerte på festivalar rundt om i landet. Dei andre musikarane skulle det eigentleg vera unødvendig å presentera nærare, dei er blant dei beste og mest etablerte i Noreg. Dag Arnesen har gjennom ein mannsalder stadig bevist at han er i den ypperste eliten av norske jazzpianistar. Han er kanskje best kjend for sine iøyrefallande jazzversjonar av Edvard Grieg sin musikk. Ole Marius Sandberg er ein ettertrakta bassist for mange band, og han har også gitt ut musikk i eige namn. Frank Jakobsen har, til liks med Dag Arnesen, vore med og prega det norske jazzlandskapet gjennom fleire tiår. Han er batteristsjefen i svingande jazz, og han tilhøyrer elitelaget som perkusjonist.
Kvartetten tar med seg jazztradisjonen inn i eigne komposisjonar, samt eigne tolkingar av gamle perler. På denne måten vil bandet blåsa nytt liv i tradisjons-jazzen, og utfalda seg i spennet mellom det nye og det gamle.
Elisabeth Lid Trøen – saksofon
Dag S. Arnesen – klaver
Ole Marius Sandberg – bass
Frank Jakobsen – trommer
