BAKER HANSEN – Chet på norsk
LYD: www.soundcloud.com/baker-hansen Kva har Chet Bakers vestkyst-sound med norsk lyrikk å gjøre? Ikkje så lite, faktisk. Fleire års opphald i Skandinavia på 80-talet førte til at Chet sjølv samarbeidde med ei rekkje norske musikarar, og særleg kjent er album-samarbeidet Blåmann! Blåmann! med Jan Erik Vold – ein ruvande skikkelse i norsk diktarkunst, som òg har bidrege med gode innspel til gjendiktingsarbeidet. Når så kvintetten BAKER HANSEN tek opp denne arven, er det låtar frå Chet Bakers repertoar som har fått fornya kraft gjennom nyskrivne, nynorske tekstar, gjendikta av vokalist Sigurd Rotvik Tunestveit frå Ål i Hallingdal. At tekstane er på vårt eige språk, gir publikum høve til å møte denne musikken på nært hald, og høyre med nye øyre på klassikarar frå standardrepertoaret. Konsertopplevinga vil pregast av at publikum gjenoppdagar kjende melodiar som There will never be another you og My funny valentine, eller sagt med Baker Hansen sine ord, «Aldri finn eg ei nett slik som deg» og «Min fine hjarteven». Og kva for klassisk jazzlåt skjuler seg bak tittelen «Eg vert så lett forelska»? Besetninga på 5 er eit knippe musikarar frå det yrande jazzmiljøet i Oslo. Dei representerer ein ung og spennande generasjon utøvarar på den norske jazzscena, med ei rekkje betydelege samarbeid i bagasjen. Tidlegare har bandet spela for eit begeistra publikum på festivalar, kulturhus, jazzklubber og andre scener i m.a. Bergen, Trondheim, Stavanger og Oslo. Sigurd Rotvik Tunestveit, Ål (vokal) CC: 150,- (foto: Silje Måseide) Haustturné 2013: 25/10: Palace Grill, Oslo |