Håvard Ersland Trio vitjar Stord
Laurdag 17. oktober får Stord Jazzklubb besøk av Håvard Ersland Trio – ein ung pianotrio samansett av tre lyttande og kreative musikarar. Håvard Ersland kjem frå Imsland i Vindafjord, og for to år sidan vann han «Equinors Sildajazzpris». Her vart han m.a. omtala som ein av dei mest spanande musikarane på den norske jazzccenen.
Det er høg kvalitet på låtmaterialet som bandet serverer, og dei veit å krydra låtane med mange lekre detaljar og eit stort, musikalsk overskot. Medlemmene i trioen er alle aktive musikarar.
Håvard Ersland – piano
Stian Andreas Egeland Andersen – kontrabass
Ingvald Andrè Vassbø – trommer
