Hans Mathisen har lagt ut på ei turnereise i Noreg denne hausten, og vitjar Stord Jazzklubb laurdag 3. oktober. Alt materialet er komponert av Hans Mathisen og hovudfokuset dette året er Mathisen sitt siste album Moving Forward som kom i april 2019 og fekk strålande kritikkar.
Hans Mathisen er kjend for sin lågmælte og melodiske jazzmusikk servert med stor poetisk kraft. Saman med eminente musikarar frå Noreg, Danmark og Storbritannia er Mathisen eit viktig innslag i kunstmusikken både her til lands og i utlandet.
Desse musikarane er med på turneen i oktober:
Hans Mathisen – gitar
Bendik Hofseth – saksofon
Jason – Rebello – piano
Per Mathisen – bass
Per Oddvar Johansen – trommer