Med ein rufsete miks av norsk, afrikansk og amerikansk folkemusikk i handbagasjen, susar Rosseklovnkleppen avgarde på støvete interkontinentale landevegar. Tenk norsk bygdefest med eit hint av amerikansk prærie og afrikansk vestkyst, med Ry Cooder, Ali Farka Touré og Knut Reiersrud på gjestelista. Bandet spelte nyleg si andre plate på Arne Bendiksen sin gamle teipmaskin, og sleppkonserten får du på Vossa Jazz! Rosseklovnkleppen bind saman generasjonar, kulturar og sjangrar på ein måte som gjev ein trua på eit liv etter olja!
Marius Klovning – gitar
Mattis Kleppen – bass
Are Rosseland – trommer
Konserten inngår i billetten huskort fredag. Du kan ikkje kjøpa enkeltbillett til berre denne konserten.
